Tíðindi
Ung í arbeiði 2019
Nú ber til at tekna seg til "ung í arbeiði" 2019. Í ár verður arbeitt vikurnar 27 og 28, frá 1. juli til og við 12. juli.
Ung í arbeiði er eitt tilboð fyri ung í kommununi, sum komandi skúlaár fara í ávikavist 9. og 10. flokk. Arbeiðstíðin er átta tímar dagliga, fimm dagar um vikuna. Møtt verður klokkan 8.00 á morgni, og klokkan 16.00 seinnapartin er arbeiðsdagurin liðugur. Lønin er tann sáttmálaavtalaða tímalønin hjá Havnar Arbeiðarafelag umframt frítíðarløn.
Tey, sum eru áhugað í hesum tilboði, verða biðin um at seta seg í samband við kommununa á tlf. nr. 667271 ella við at senda ein teldupost til sunda@sunda.fo, og melda seg til.
Við tilmelding skal upplýsast navn, bústaður, føðiár, telefonnummar, flokkur, kontonummar og eftirlønarkonta.
Freistin av melda til er mikudagin 26. juni 2019.