Tíðindi

Regatta í Hósvík 2. august

16.07.2019

Fríggjadagin 2. august verður árliga Regattasiglingin.

Motorbátar sigla av Eiði til Hósvíkar kl. 17:45 og árabátar loysa kl. 17:00.

Tá komið verður til Hósvíkar, verður góður døgurði at fáa í bygdarhúsinum, sum kendi kokkurin Ruben Busk ger, og leygarmorgunin kl. 09:00 er morgunmatur.

Kostnaður fyri luttøku, íroknað regatta blusu, armband og báðar máltíðirnar, er einans 150 kr.
Húsvognar eru eisini vælkomnir, og einasta krav er at hava atgongumerki eins og øll onnur.

Í tónaneystinum vera Hanus G. Johansen og Ester Kristiansen.

Seinni verður felagssangur, og eftir felagssangin kemur Emil Olsen at halda eina røðu

Bólkur úr Fuglafjarðar Harmonikufelag spælir til dansin í bygdarhúsinum á midnátt. Kostnaður til dansin er 150kr.

Tilmelding fer fram við at senda ein teldupost á hosvik79@gmail.com, ella við at ringja á telefon nummar 257922

Tá ið bátar verða meldaðir til, skal tað viðmerkjast:
-Skipari umborð
-Telefon nummar (kontakt persón umborð á bátinum)
-Hvussu nógv ferðandi eru við

Tá ið húsvognar vera meldaðir til, skal tað viðmerkjast:
-Navn og tlf nr. hjá ábyrgdarpersóni
-Nummarpláta
-Um síðutelt er við

Seinasta freist at melda til er mikukvøldið 31. juli.

Prísurin er sera, sera góður! Kostnaðurin er 150 kr. fyri vaksin, og fyri børn upp til 14 ár einans 100kr.
Børn 0-3 ár sleppa ókeypis

Goldið verður á Eiði, har man fær armband fyri luttøku, fyri døgurðan og eina Regatta blusu.
Skiparanir fáa ein vimpul til bátin teir føra

Eisini ber til ogna sær atgongumerki í Á handlinum við streymin frá 19. juli

Vinaliga Hósvíkar Róðrarfelag

Seinastu tíðindi

07
jul
Rynkeby - vitjaðu sunda kommunu
07
jul
Broyting í innsavning­ini við Gjógv
06
jul
Flyting av busssteðgistað á Oyrarbakka
03
jul
Øll børn fáa pláss í Hvalvík
03
jul
Norð­ljómur fær egin høli
03
jul
Landsverk vitjaði í Hvalvík
02
jul
Móttøka fyri Rynkeby súkklarum
02
jul
Summartó­nar á Gjáargarði