Tíðindi
Kunning um ansing av børnum - dagført
Frá mánadegnum 16. mars 2020 og fyribils inntil 2. páskadag, 13.apríl 2020, er virksemið á dagstovnaøkinum bert opið fyri børnum, hvørs foreldur skulu røkja arbeiðsligar skyldur, ið neyðugar eru í samfelagnum og tí hava tørv á dagstovnatilboð til børnini.
Dagstovnar, skúlar og frítíðarskúlar taka ímóti børnum upp til 3. flokk, tá ið foreldur onga aðra loysn hava enn at senda børn síni í skúla ella á stovn.
Talan kann vera um foreldur, hvørs størv fevna um samfelagsligar kjarnuuppgávur og -veitingar, m.a. í heilsuverkinum, innan eldraøkið, løgreglu, kriminalforsorg, tilbúgving, ruskkoyring, handilsvinnu, flutning, útflutningsvinnu, almennan tíðindaflutning og annað.
Um foreldur, hvørs starv fevnur um tílíkar kjarnuuppgávur og –veitingar, ongan annan møguleika hava at fáa børn síni ansað, er hendan serskipanin galdandi.
Hevur tú tørv á ansingartilboðið, átroðkandi boð ella spurninginar, kanst tú ringja til dagstovnaleiðararnar.
Dagstovnurin á Flatinum tlf.: 297247, Rosa
Dagstovnurin við Kráir tlf.:297235, Unn
Dagstovnurin við Stórheygg tlf.:297255, Hervør
Foreldur, hvørs børn ikki koma á dagstovn hesa tíðina skulu ikki rinda ansingargjald so leingið dagstovnurin er stongdur.
Nærri verður kunnað á heimasíðunum so hvørt meira er at frætta.
Sunda kommuna
Dagført 20. mars 2020