Tíðindi
Díggjvátur endaspurtur á útivikuni
Útivikan í Sunda kommunu hevur endaspurt nú, og nógv spennandi er á skránni í Hósvík og Tjørnuvík um vikuskiftið.
Í Hósvík verður ókeypis kajakk rógving. Veðrið er av tí allar besta so tað er lagamanni at luttaka.
Skráin fríggjakvøldið 29. mai 2020
- Kl. 18.00-21.00 Kajakk rógving í Hósvík. Møtt verður á sandinum við bátahylin. Ætlanin er at rógva saman í bólki framm við landi norður eftir forbí kappróðrarneystið. Møguliga ein túr inn í ósan alt eftir flóð og fjøru. Tiltakið er ókeypis.
Leygardagin sleppa øll at royna seg í ymiskum vatnsporti í Tjørnuvík. Aldan verður ikki so stór, men veðrið av tí allar besta. Møguleiki er at surfa, royna paddle boards, snorkul og ymiskt annað.
Skráin leygardagin 30. mai 2020
-
Kl. 14.00-20.00 Kom og surfa í Tjørnuvík!
Saman við Faroe Islands Surf Guide bjóðar Sunda kommuna øllum áhugaðum at royna seg sum surfara púra ókeypis leygardagin* frá kl. 14.00 - 20.00 í Tjørnuvík.Íroknað er frálæra, surfbretti og drakt v.m. í 30 min. Fólk eru eisini vælkomin at taka egna útgerð við.Takið handklæð og svimjiklæðir við. ... vit hava eisini surf-skateboards til tey, sum vilja cruise’a ein túr gjøgnum bygdina. Aldursmark fyri at surfa er 14 ár.