Tíðindi
Hvør skal fáa "ársins herðaklapp 2020"?
Sunda kommuna hevur nú í nøkur ár givið heiðurslønina "ársins herðaklapp". Heiðurslønin verður givið persóni ella felagsskapi fyri ólønt ella sjálvboðið arbeiði, sum er til gagns fyri borgarar í Sunda kommunu. Heiðurslønin er eitt heiðursbræv, ein gáva við navninum inngraverað og 3.000kr.
Sunda kommuna hevur nú í nøkur ár givið heiðurslønina "ársins herðaklapp". Heiðurslønin verður givið persóni ella felagsskapi fyri ólønt ella sjálvboðið arbeiði, sum er til gagns fyri borgarar í Sunda kommunu. Heiðurslønin er eitt heiðursbræv, ein gáva við navninum inngraverað og 3.000kr.
Sum vanligt er ætlanin er at handa heiðurin á setanarkvøldinum av mentanardøgunum 10. september 2020 kl.19.00.
Fyri at fáa so nógv uppskot sum gjørligt, at velja ímillum, ynskir trivnaðarnevndin at heita á borgarar um at senda inn uppskot til hvør skal fáa heiðurin í ár.
Uppskotini skulu sendast inn til sunda@sunda.fo saman við eini grundgeving. Uppskotsstillarar kunnu vera ónevndir. Nevndin tilskilar sær rætt til at velja í millum innkomnu uppskotini ella ikki at velja nakað av hesum.
Freistin fyri at senda inn uppskot er týsdagin 25. august kl.12.00.
Tey, sum fyrr hava fingið Ársins Mentanaravrik frá Sunda kommunu eru:
2011 Esmar Dahl
2012 Asfinn Sigvardsen
2013 Kingobólkurin í Tjørnuvík
2014 Johannes Johannesen
2015 Nicolina av Kamarinum
2016 Hósvíkar róðrarfelag
2017 Leguhúsið í Nesvík
2018 Edmund Joensen
2019 Andrass Midjord