Tíðindi
Kunngerð um burturbeining av lutum og óruddi við bátahylin á Oyrarbakka
Vísandi til grein 1 í kunngerð nr. 53 frá 3. mai 1994 um umhvørvisreglur so verður hervið kunngjørt at økið við bátahylin á Oyrarbakka (sí mynd) verður ruddað eftir 18. september 2020.
Tað er kommunan, sum hevur ábyrgdina av, at órudd ikki liggur og rekst á økjunum í kommununi.
§ 1. Órudd o.a. Ikki er loyvt at lata órudd liggja og rekast. Bý- ella bygda(r)ráðið skal halda almenn pláss, vegir, áir, áarinntøk við veg og rennur rein, meðan avvarðandi eigari skal halda tún og onnur privat uttandura øki rein.
Stk. 2. Bý- ella bygda(r)ráðið kann geva boð um, at órudd og annað burturkast skal beinast til hóskandi stað, jvb. kunngerð um burturkast.
Eigur tú óviðkomandi lutir á økinum, sum víst er á myndini, við bátahylin á Oyrarbakka skulu teir verða burturbeindir í seinasta lagið fríggjadagin 18. september 2020.
Eigarar sum meta, at teir hava rætt til at hava lutir standandi á tað nevnda øki, verða bidnir um at venda sær til teknisku deild beinanvegin, og lýsa sína støðu.
Ringjast kann til teknisku deild á tlf 297296, í vanligari skrivstovutíð.
Fyri at tryggja, at onki av virði verður burturbeint av óvart, fáa tey, sum hava sett lutir út á almenn økir uttan loyvi, møguleika fyri at koma eftir lutunum og flyta teir á eitt hóskandi stað, áðrenn kommunan fer í gongd við at burturbeina lutirnar fyri eigarans rokning.
