Tíðindi
Spennandi kvøld í Garnhúsinum fríggjakvøldið 23.okt.
Hevur tú onkrar dreymar, sum tú ynskir at røkka? onkur mál, ið tú ynskir at klára?
Komandi fríggjakvøld, kemur Sam Jacobsen at vitja í Garnhúsinum og fortelja okkum, hvussu ein røkkur teimum málum og dreymum sum man setur sær fyri.
Evnið verður Goal Mapping.
Síðan 1995 hevur Goal Mapping hjálpt yvir 4 milliónum fólkum at gera dreymar til veruleika.
Goal Mapping er ein einføld og beinrakin leiðbeining til, hvussu tú setir tær mál og røkkur teimum.
Kvinnur og menn sum hava verið á toppinum, hava altíð verið tey, ið dugdu at seta sær mál. Og harvið haft evnir og amboð til at avrika. Goal Mapping er sera væl egnað fyri ung og vaksin. Til ítróttafólk, kropsliga vælveru og kostráðgeving. Til ungdómsfelaskapir, í vinnuni, í skúlum, innan tónleik, ella til munagóð úrslit í gerandisdegnum á øllum økjum.
Goal Mapping hevur hjálpt fólki úr øllum samfelagsstættum at fremja sínar dreymar í verki.
Goal Mappið er tín stuðul og vegleiðing til góðu úrslitini og harvið góða lívið.
Vit byrja við pitsa klokkan 19:30, og so verður ymisk spennandi á skrá, inntil kl 23.00.
Síggjast!
Leiðarin