Tíðindi

Sundalagið nú við ljósferð!

12.02.2021

Breiðbandsferðin í parti av Sundalagnum verður nú uppstigað. Størri øki á Oyri, Oyrarbakka og við Norðskála hava í dag breiðbandsferð, ið ynski hevur verið um at fáa hækkað.

Við góðum samskifti við NET, eftir eini royndarverkætlan, verður nú sett hol á arbeiðið at flyta Føroyar inn í eina nýggja tíð við háferðsbreiðbandi í hvørjum húsi, og byrjað verður í Sunda kommunu.

Í næstum verða ljóskaðalar lagdir inn í hvørt hús á Oyri, Oyrarbakka og við Norðskála. Húskini í økinum verða kunnað um arbeiðið, áðrenn farið verður undir innleggingar í grannalagnum, og málið er, at øll hús hava fingið ljóskaðal lagdan inn í ár.

Vit í Sunda kommunu fegnast um avgerðina hjá NET, at breiðbandið í økinum nú verður uppstigað til at verða í heimsflokki, og Sunda kommuna er longu nú í samskifti við NET, um at arbeiða við at fáa aðrar bygdir í kommununi við í ætlanina komandi árini. 

Seinastu tíðindi

26
mar
Heintan av ruski í Saksun og Gjógv
25
mar
Fysioterapeut til VEKS
25
mar
Framsýning hjá frítíðarundirvísing­ini í Skúlanum við Streymin skírisdag
24
mar
Stongt vegna páskafrí 25. mars - 2. apríl 2024
22
mar
Framlýsing av seyði
22
mar
Vinnuparkering
21
mar
Alment útboð at gera nýggja brúgv um Stórá
20
mar
Eldradagur verður leygar­dagin 20. apríl