Tíðindi

Á eykaaðalfundi í SEV fríggjadagin 19. februar varð nevndin mannað av nýggjum, og hesir vórðu valdir:

Kári Johansen, Tórshavn, Sune Jacobsen, Vágar, Sonni L. Petsern, Eysturoy, Oddmar á Lakjuni, Norðoyggjar, Poul Klementsen, Sandoy, Haraldur S. Hammer, Norðstreymoy, og Niclas Hentze, Suðuroy.

Nevndin skipaði seg eftir fundin við Kára Johansen sum formanni og Haraldi S. Hammer sum næstformanni.

Vit í Sunda kommunu fegnast um at hava fingið umboðan í nevndina í SEV og Haraldur gleðir seg til arbeiðið sum liggur fyri framman í menningini og umleggingini til grøna orku, har Sundalagið spælir ein stóran leiklut.