Tíðindi

Tíverri blivu mentanardagarnir í fjør avlýstir, men vit ætla at koma sterkt aftur við Mentanardagar 2021, sum verða í døgunum 9. til 18. September. Eins og undanfarin ár ynskja vit, at mentanardagarnir verða savnandi og at tiltøk verða hildin runt um í allari kommununi.

Vit vilja tí bjóða øllum, sum hava hug og áræði, at koma við sínum ískoyti til mentanardagarnar. Øll tiltøk eru vælkomin, einans hugflogið setur mørk.

Kommunan samskipar dagarnar og ger faldara í samband við mentanardagarnar, ið verður borin í hvørt hús í kommununi.

So sita tit inni við einum góðum hugskoti, sum tit ynskja at fáa við í skránna eru tit hjartaliga vælkomin at seta tykkum í samband við Hildur Durhuus, trivnaðarsamskipari, á tlf. 538145 ella hildur@sunda.fo, í seinasta lagi 9. juli 2021.

Lat okkum saman skapa nakrar spennandi mentanardagar