Tíðindi
Tillutan av hallartímum
Freistin at søkja um venjingartímar í Ítróttarhøllini við Streymin fyri veturin 2022/2023 er 1. august 2022
Sunda kommuna hevur evstu ábyrgd av útleigan av Ítróttarhøllini við Streymin. Skúlin hevur tó ábyrgdina frá kl. 8.00-15.00. Eftir hetta verða hallartímar tillutaðir til ítróttarfeløg og onnur.
Ítróttarfeløg í kommununi hava fyrimun og hallartímar verða fyrst og fremst tillutaðir til virksemi, sum vanliga er innandura.
Venjingar fyri børn og ung hava framíhjárætt til tímarnar frá 15.00 - 18.00.
Umsókn um tímar fyri veturin 2022/2023 skal sendast til sunda@sunda.fo innan 1. august 2022
Tillutan av føstum hallartímum verður tillutað av Trivnaðarnevndini í Sunda kommunu eftir tilmæli frá umsitingini. Tey, ið søkja um tímar, fáa svar eftir fyrsta trivnaðarnevndarfund, sum verður eftir summarfrítíðina.