Tíðindi
Kom við í skránna til mentanardagar!
Situr tú inni við einum góðum hugskoti til mentanardagarnar í Sunda kommunu, so hevur tú møguleikan at fáa títt tiltak við í skránna.
Mentanardagar 2022 verða í døgunum 8. til 17. september. Eins og undanfarin ár ynskja vit, at mentanardagarnir eru savnandi og at tiltøk verða hildin runt um í allari kommununi.
Vit vilja tí bjóða øllum, sum hava hug og áræði, at koma við sínum ískoyti til mentanardagarnar. Øll hugskot eru vælkomin, einans hugflogið setur mørk.
Kommunan samskipar dagarnar og ger faldara í samband við mentanardagarnar, ið verður borin í hvørt hús í kommununi.
So sita tit inni við einum góðum hugskoti, sum tit ynskja at fáa við í skránna eru tit hjartaliga vælkomin at seta tykkum í samband við Hildur Durhuus, trivnaðarsamskipari, á tlf. 538145 ella hildur@sunda.fo, í seinasta lagi 18. juli 2022
Tað er ikki neyðugt at tit hava allar smálutir uppá pláss longu nú, men gott at vita um tit ætla at skipa fyri onkrum.
Við vón um at vit saman skapa nakrar spennandi mentanardagar 2022.