Tíðindi

Burn Fitness við Márgáir latið upp

14.07.2022

Í dag var almenn móttøka í niðaru hæddini í felagshúsinum við Margáir. Hetta var í sambandi við at Burn Fitness letur nýggja venjingarmiðstøð upp.

Eyðstein Zachariasen, varaborgarstjóri og formaður í trivnaðarnevndini, segði nøkur orð og høvið var at síggja sera góðu umstøðurnar, ið hava verið kallaðar tær bestu í landinum. Eisini var møguleiki at tekna sær hald. Afturat Burn Fitness verður fysioterapi klinikk hjá NB Fysioterapi eisini í nýggju hølunum.

Talan er um eitt høli á 240 fermetrar við tilhoyrandi vesi og skiftingarrúmum, ið eru sett av til endamálið. Tað er eitt ár síðani at Sunda kommunu bjóðaði arbeiðið at seta á stovn og reka venjingarmiðstøð við Margáir út alment. Avtala varð gjørd við Burn um at taka sær av rakstrinum og Sp/f HPH Smíð og Sp/f RenoVent um at gera hølini klár.

Tíðarætlanin og avtalan, um at hølini skulu vera klár og tilboðið lata upp á sumri í 2022 hevur hildið og hetta fegnast vit um.

Sunda kommuna ynskir Burn Fitness vælkomnum til kommununa og vónar at tilboðið verður borgarunum til gleði og gangs.

Her síggjast nakrar myndir frá tiltakinum, har fitt av fólkið møtti upp:

Seinastu tíðindi

10
aug
Kom við í skránna til mentan­ardagar 2022
08
aug
Hvør skal fáa ársins herðaklapp 2022?
20
jul
Kommunuskrivstovan stongd vegna summarfrí
19
jul
Alment útboð av kampingøkju­num í Haldórsvík og við Gjógv
14
jul
Burn Fitness við Márgáir latið upp
07
jul
Kom við í skránna til mentan­ardagar!
06
jul
Rynkeby vitjar við Margáir
06
jul
Tillutan av hallartímum