Tíðindi
Føroyskur dansur í Hvalvík
Í vetur fara Eydna og Mirjam aftur at skipa fyri barnadansi í Hvalvík. Hetta er triði veturin tær skipa fyri barnadansi - tó var ongin dansur síðsta vetur.
Hóskvøld er føroyskur dansur í hølunum hjá skótaliðnum Borgini í Hvalvík (gamla skúla). Barnadansur er kl. 19-20. Dansað verður fýra ferðir afturat fyri jól (17. nov til 8. des) og seks ferðir eftir jól (12. januar til 16. februar). Á skránni eru í størstan mun styttri vísur og sangir, men aftan á jól verður dentur lagdur á søgugongdina í Kópakvæðinum og at kvøða ein part av tí.
Øll eru vælkomin í barnadans. Børn undir skúlaaldur møta saman við vaksnum.
Nøkur av kvøldunum halda tey fram við dansi fyri vaksin 20-21:30. Eisini her eru øll vælkomin; hesin dansurin er samskipaður sum dansur hjá Norðstreymoyar Dansifelag, og tískil eru nøkur dansikvøld í Kvívík.
Næstu ferð tey dansa føroyskan dans í Hvalvík - bæði børn og vaksin - verður hóskvøldið 17. november