Tíðindi

Vilt tú verða partur av sløkkiliðnum?

19.01.2023

Nú hevur tú møguleikan! Sunda Sløkkilið søkir eftir dugnaligum sløkkiliðsfólki, at byrja skjótast gjørligt. Tað er ein fyrimunur at hava roykkavaraskeið og stóra koyrikortið, men ikki ein treyt.

Sløkkiliðið hevur støð á Oyrarbakka, nærhendis brúnni um Streymin, við allari neyðugari útgerð. Eisini er lokal sløkkiútgerð við Gjógv, í Tjørnuvík, í Haldórsvík og í Hósvík.

Sløkkiliðsleiðari er Mikkjal Hansen. Manningin á sløkkiliðnum telur í dag 13 fólk, søkt verður eftir 7 fólkum. Sunda sløkkilið fevnir um tær 11 bygdirnar í Sunda kommunu og ynskiligt er, at manningin í sløkkiliðnum, so vítt til ber, er mannað av fólki úr øllum bygdum.

Hevur tú spurningar ber til at ringja til sløkkiliðsleiðarin
Mikkjal Hansen á tlf. 29 72 29.

Umsóknirnar skulu vera okkum í hendi innan 26. februar 2023.

Hevur hetta tín áhuga? So er at senda umsókn inn til:

sunda@sunda.fo

ella

Sunda kommuna
Oyrarbakkavegur 3
400 Oyrarbakki

Viðmerk: Umsókn til sløkkiliðið

 

Seinastu tíðindi

20
jan
Alment útboð av kampingøki­num við Gjógv
19
jan
Vilt tú verða partur av sløkkilið­num?
07
feb
Bussleiðin koyrir ikki í dag
06
feb
Minnist til at tryggja leysar lutir
02
feb
ENDUR­LÝSING - Søkt verður eftir 3 heilsurøktarum til Heimatænatuna í VEKS, at seta skjótast tilber
30
jan
Fráboðan um fund í Náttúrufriðingar­nevnd­ini
27
jan
Býráðsfundur 30. januar 2023
19
jan
Arbeiðið við kirkju­garðin í Hósvík