Tíðindi
Ársroknskapurin fyri 2018 góðkendur
Býráðið góðkendi ársroknskapin á býráðsfundi 29. mai 2019.
Inntøkurnar settu met í 2018. Tær vóru 89,9 mió.kr.
Raksturin vísti eitt avlop uppá 25,6 mió.kr. Løgurnar vóru 26,7 mió.kr. og tí var samlaða úrslitið eftir løgur (RLÚ) -1,1 mió.kr. Hetta var 26,3 mió.kr. betri enn fíggjarætlanina vísti.
Bæði rakstur og løgur vístu eina minni nýtslu enn ætlað var í fíggjarætlanini fyri 2018. Serliga var tað skúlabyggingin, sum vísti eina minni nýtslu enn ætlað. Hetta er vegna seinking í byggingini. Skúlin verður liðugur fyrra hálvár komandi ár.
Samlaðu inntøkurnar vóru 9,1 mió.kr. størri enn fíggjarætlanin vísti. Tí var samlaða úrslitið 26,3 mió.kr. betri enn fíggjarætlanin vísti.
Lániskuldin var 38,5 mió.kr. við árslok. Nettoskuldin var 10,5 mió.kr., sum svarar til 14% av skuldarloftinum.