Kavarudding

Kavarudding

Kommunan tekur sær av kavarudding og salting á kommunalu vegunum. Kommunan eigur ein saltbil og hevur samstarvsavtalu við veitara um graving við maskinu.

Ábyrgd av kavaruddingini hevur arbeiðsformaðurin í Veitingareindini.

Í vanligum kavaveðri verður grivið eftir hesi raðfesting:

1. Streymnes, skúlabrekkan og busssteðgipláss
2. Vegirnar til dagstovn og skúlar á Oyrarbakka
3. Vegirnar til dagstovn og skúlan í Hvalvík
4. Hósvík
5. Aðrir kommunalir vegir

Kommunan hevur ábyrgdina av salting av øllum kommunalum vegum. Kassar við salti í verða settir við brekkur. Heldur tú, at tørvur er á saltkassa í tínum grannalag, set teg so í samband við kommununa á tlf: 667271.

Eru spurningar ella áheitanir viðvíkjandi kavarudding í Sunda kommunu, eru borgara vælkomnir at venda sær til kommunuskrivstovuna á tlf.: 667271.