Skúlar og dagstovnar

Skúlar og dagstovnar

Skúlar

At útbúgva unga ættarliðið til eina framtíð, har kunnleikakrøvini støðugt økjast, er eitt týðandi endamál hjá fólkaskúlanum í dag. Samlaða næmingatalið liggur í Sunda kommunu liggur um 235.

Býráðið hevur samtykt at savna allar næmingar í kommununi frá 1. til 7. flokk í ein skúla, Skúlan við Streymin. Nýggi skúlin er á Oyrarbakka. Tó koma 1-3 flokkur eisini at ganga í Hósvíkar skúla og í Hvalvíkar skúla.

Dagstovnar

Í kommununi eru tríggir nútímans dagstovnar við frítíðarskúlum, ið nøkta ansingartørvin fyri øll børn í kommunini. 

Tað er eingin bíðilisti til barnaansing í Sunda kommunu. Øll kommunan er eitt upptøkuøki. Um ikki er pláss á einum dagsstovni, kann verða víst til ein annan dagsstovn í kommununi. 
Søkt eigur at vera um pláss á dagsstovni í minsta lagi 1 mánaða áðrenn barnið skal byrja á stovni.

Børn kunnu byrja á stovnið 14 dagar áðrenn almenna barnsburðarfarloyvi endar. Hetta verður skipað við avtalu við leiðaran.

Børnini kunnu ganga í frítíðarskúla til seinast í juni mánaði í 3. flokki.

Upplatingatíðir

Dagstovnurin á Flatinum á Oyrarbakka hevur opið frá kl. 07.00 til 17.00.

Dagstovnurin við Kráir í Hvalvík hevur opið frá kl.07.00 til 17.00.

Dagstovnurin við Stórheygg í Hósvík hevur opið frá kl.7.00 til 17.00.