Tíðindi
Trivnaðarsamskipari er settur
Hildur Durhuus byrjaði í dag sum trivnaðarsamskipari í Sunda kommunu. Talan er um eitt farloyvisstarv.
Hildur, ið er búsitandi í Tórshavn, hevur 25 ára royndir frá størvum í upplivingar- og ferðavinnuni, bæði í privata geiranum og í almennu umsitingini. Hildur er útbúgvin Master í upplivingarleiðslu.
Trivnaðarsamskiparin er skrivari í trivnaðarnevndini og hevur ábyrgd av at fyrireika og avgreiða mál hjá trivnaðarnevndini. Harumframt hevur hon hópin av spennandi uppgávum innan samskifti og samskipan. Hildur hevur t.d. ábyrgd av at samskipa tiltøk hjá Sunda kommunu og leiklutin hjá kommununi við onnur, ið fyriskipa tiltøk í Sunda kommunu. Eisini hevur hon samskiftið við ítróttarfeløg, frítíðarvirksemi, áhugafeløg, trúarlív, einstaklingar v.fl. um hendi.
Hildur er klár at hjálpa og svara fegin fyrispurningum og øðrum.
Hon er at hitta á hildur@sunda.fo ella telefon 53 81 45.
Vit ynskja Hildur hjartaliga tillukku við starvinum og vælkomnari í Sunda kommunu.