Tíðindi

Nógv fólk brúka bussleiðina

10.01.2020

Bussleiðin hjá Sunda kommunu byrjaði koyringina við ársbyrjan í 2017 og hevur nú koyrt í trý ár.

Koyrt verður í Sundalagnum við tveimum leiðum, har leið 1 umfatar tann sunnara partin og leið 2 tann norðara.

Talið av ferðandi er vaksandi. Fyrsta árið koyrdu 5.614 fólk við bussunum og í 2019 var talið 9.213.

Ferðaætlanin broyttist nakað frá ársbyrjan í 2019. Ferðaætlanin varð gjørt einfaldari, soleiðis at tey ferðandi í hvørjari bygd hava fastar “minuttir” at halda seg til. Til dømis koyrir bussleiðin altíð hvønn heilan tíma frá Hósvík. Koyringin er millum 16 og 22 á leið 1 og millum 17 og 20 á leið 2.

Hagtølini vísa, at bussurin verður brúktur av borgarum í øllum bygdunum, sum eru umfataðar av koyringini.

(Ferðandi verða tald í bygdini, har ferðin byrjar).

 

Hóast hagtølini ikki kunnu siga nakað um aldur av teimum ferðandi ella endamálið við ferðini, so er greitt, at tað serliga teir yngru og teir eldru borgararnir, sum koyra við bussunum.

Til ber at fylgja bussinum á sona-appini. Tú kanst eisini kunna teg nærri um ferðaætlanina á sona-appini og á heimasíðuni her.

 

 

Seinastu tíðindi

12
aug
Dagstov­nar og frítíðarskúlar lata upp aftur
07
aug
Kommunuskrivstovan stongd, men vit eru til arbeiðis
07
aug
Dagstov­nar stongdir í komandi viku - dagført 7. august
07
aug
Átøk á eldraøki­num inntil 21. august 2020
06
aug
Regatta avlýst vegna corona
06
aug
Taka støðuna í størsta álvara
05
aug
Helgi er nýggjur skúla- og hallarvørður
04
aug
Hvør skal fáa "ársins herðaklapp 2020"?