Tíðindi
Hugskot til lærugreinar í frítíðarundirvísingini
Situr tú inni við góðum hugskotum til lærugreinar, sum kundu verði bodnar út í frítíðarundirvísingini? So er ikki at halda teg aftur.
Vit eru í løtuni við at samla lærugreinarnar saman, sum skulu verða í skránni til heystar. Øll hugskot eru vælkomin.
Send títt hugskot til sunda@sunda.fo og møguliga kemur tín lærugrein út í komandi skrá.
Í tilknýti til fleiri skúlar í kommununi er frítíðarundirvísing og frítíðarvirksemi. Serliga er tað tónleikur, sum undirvíst verður í, men eisini ymiskt handaligt er á skránni.
Endamálið við hesum tilboðum er stimbra hvønn einstakan at menna sínar førleikar innan ymisk øki, umframt at gera sítt til, at stuðla upp undir lívslongu læringina.
Kommunan samskipar útbúgvingartilboðini við støði í teimum ynskjum og tí tørvi, sum er í kommununi. Leiðari fyri frítíðarundirvísingina er Elspa Petersen, tlf. 281296.