Tíðindi

Brillusmiðja latin upp á handilsøkinum við Norðskála

14.09.2021

Í gjár lat nýggjur brilluhandil upp við Norðskála. Borgarstjórin, Jógvan Kruse, var inn á gólvinum og ynskti eigaranum til lukku við nýggju og stásiligu Brillusmiðjuni.

Talan er um eina nýggja fyritøku, ið Regin Thomsen eigur og verður tað hann sjálvur, sum fer at reka Brillusmiðjuna. Regin er útbúgvin optometrist og hevur arbeitt sum optikari í Havn, seinastu 10 árini.

Regin er upprunaliga argjamaður, men hevur búð í Sundalagnum í góð 13 ár. Regin sigur at tað leingi hevur verið ein dreymur at seta á stovn egnan brilluhandil, og hann sær stórar møguleikgar í handilsøkinum við Streymin. Regin hevur sjálvur bygt stóran part av nýggja bygninginum, sum Brillusmiðjan nú húsast í, og tískil hevur tað eisini verið ein drúgv tilgongd at byrja virksemið.

Ætlanin er at Brillusmiðjan skal kunna veita allar tænastur og vørur, sum brilluhandlar vanliga hava, tað veri seg sjónkanningar, brillur, kontaktlinsur og annað. 

Brillusmiðjan fer at hava opið gerandisdagar til kl. 17.30. Sjónkanningar og annað kann bíleggjast á tel. 444422

Seinastu tíðindi

06
okt
Svimjihylu­rin stongdur í heyst­feriuni
05
okt
Language course for newcomers and non-native speakers
03
okt
Burturbeining av leivdum frá fletting
30
sep
ABC vikan - tiltøk í Sunda kommunu
30
sep
Áheitan um at rudda á havnarlag­num í Hvalvík
29
sep
Námsfrøði­ligur stuðul til sertilboðið Lonin í Skúlanum við Streymin
27
sep
Nordplus næmingavitjan við Gjógv
26
sep
Rudda Føroyar