Tíðindi

Poting í Sundalagnum

19.01.2022

Fyri at lætta um hjá borgarunum í Sundalagnum, ið onkursvegna eru raktir av korona, fer Sunda kommuna í samstarvi við Eiðis kommunu og Landssjúkrahúsið, at skipa eina potistøð í Eydnuni á Oyararbakka næstu vikurnar.

Smittustøðan í landinum ger at alsamt fleiri fólk hava tørv á at verða potaði, og trýsti á kanningarstøðini í Havn og í Klaksvík er so mikið stórt, at trupult er at fáa tíð til kanning. Hetta hevur stóra ávirkan á fleiri familjur, arbeiðspláss, skúlar og stovnar í Sundalagnum. Tí hevur borgarstjórin, Jógvan Kruse, heitt á Landssjúkrahúsið um at geva kommununi loyvi at upprætta eina potistøð í Sundalagnum, í eitt tíðarskeið.

Landssjúkrahúsið hevur játtað og fer Sunda kommuna, saman við Eiðis kommunu, at skipa fyri poting í Eydnuni á Oyrarbakka hvønn týsdag og hósdag, í tríggjar vikur fram. Byrjað verður týsdagin 25. januar.

Kommununar skipa kanningartoymið og taka sær at tí praktiska, meðan Landssjúkrahúsið letur kanningarútgerð og greinar royndirnar.

Kanningarnar eru ókeypis, men neyðugt er at bíleggja tíð á www.korona.fo. Latið verður upp fyri bíleggingum so skjótt tað tøkniliga er klárt.

Tilboðið er serliga ætlað borgarum í Sunda- og Eiðis kommunu.

Seinastu tíðindi

17
mai
Ruddingardagur 2022
17
mai
Broyttar upplatingartíðir í ungdóms­húsinum
16
mai
Námsfrøð­ingar til Dagstovnin við Kráir
16
mai
Ferðslu­trygdin við Streymin verður nú bøtt
14
mai
Umhvørvisplássið stongt í dag leygar­dagin
13
mai
Opin listaverkstaður í Tjørnuvík
12
mai
Lærara og stuðulsstørv í Skúlanum við Streymin skúlaárið 2022/­2023
12
mai
Seyðurin av bønum 14. mai