Tíðindi

Tíðliga í ár setti Sunda kommuna gongd á arbeiðið at víðka um kirkjugarðin í Hósvík, ið er vorðin ov lítil.

Útbyggingin av kirkjugarðinum verður framd í trimum stigum. Fyrsta byggistig varð boðið út í mai mánaði. Tveir arbeiðstakarar bjóðaðu uppá arbeiði og Urtagarðstænastan vann lisitatiónina.

Fyrsta byggistig umfatar góðar 50 gravir, gøtu niðanfyri kirkjuna, gøtu framvið ánni og umlegging av kloakkleiðing.

Sunda kommuna hevur í samráð við Urtagarðstænastuna og ráðgevarar gjørt semju um, at deila fyrsta byggistig upp í 3 økir. Í ár er ætlanin at øki 1 skal gerast liðugt, meðan øki 2 og 3 bíðar til 2023.