Tíðindi

Láninet, fjøruposar og kovboytaskur

16.09.2022

Á dagstovninum við Stórheygg í Hósvík hava tey avgjørt at minka um plastnýtsluna, millum annað við ikki at nýta plastposar í dagligdegnum

Tey hava sett í verk eina skipan við láninetum, fjøruposum og kovboytaskum. Hetta eru tríggir endurnýtsluposar, ið ger at tey nærum ongar plastposar brúka í dagligdegnum.

“Láninet” kunnu foreldrini fáa sær heim við, um teirra barn hevur fingið karm ella nógv er at bera heim. “Fjøruposin” kemur við tá tey fara oman á sand. Niðri á sandi er altíð okkurt spennandi fjørugull, sum børnini vilja hava við sær niðan aftur á stovnin. Og tá tey fara túr er eisini gott at hava posan við, um vit nú skuldu funnið eitthvørt rusk. “Kovboytaskan” er til skiftiklæðir, øll børnini í barnagarðinum og frítíðarskúlanum hava hvør sína tasku.

At minka um plastnýtsluna á stovninum, hevur verið tilvitað seinastu nógvu árini. Tað er win win fyri umhvørvið og penganýtsluna, siga tey á dagstovninum við Stórheygg.

 

Seinastu tíðindi

22
sep
Sanghefti til felagssangin í skúlanum við Streymin
22
sep
Býráðsfundur 25. septembur 2023
18
sep
Tilmeld­ingar­skipanin til frítíðarundirvísing­ina er opin
08
sep
Vælkomin á mentan­ardagar í Sunda kommunu 14. - 24. septembur
08
sep
Umsjónar­fólk til umhvørvisplássið
15
sep
Magnus á Stongum fekk ársins herðaklapp
14
sep
Faldarin til frítíðarundirvísing­ina er komin
11
sep
Áheitan um at rudda økið sunnan og eystanfyri Krás