Tíðindi

Landsverk og Landsstýrismaðurin Dennis Holm bjóðaðu til borgarafund í Tjørnuvík í gjár um Tjørnuvíkartunnilin.

Gott 100 fólk møttu á borgarafundinum, so sigast kann ikki annað, enn stóri almenni áhugin avspeglar tørvin á tunnilinum til Tjørnuvíkar.

Landsverk lýsti verkætlanina fyri møttu borgarunum, og tóku Tjørnuvíkingar væl móti verkætlanini.

Arbeiðið at fáa neyðugu loyvini upp á pláss og seinastu fyrireikingarnar frá hondini er í gongd, og arbeitt verður fram móti, at tunnilsarbeiðið byrjar í ár.

Fyri okkum sum búgva í økinum og ferðast á leiðini, fegnast vit um, at Tjørnuvíkartunnilin stendur fyri framman, og síggja vit fram til nýggju og tryggu farleiðina til og út Tjørnuvík.

Sunda kommuna