Tíðindi

Soleiðis kann lýsingin av Sunleif ljóða, tí hann gekk so sera høgt upp í umhvørvisplássið, tá hann varðaði av økinum frá novembur 2020 til septembur 2023. Sostatt er talan um eitt kent andlit, ið nú aftur fer at varða av umhvørvisplássinum við Streymin. 

Sunleif Álaberg verður 59 ár mikudagin, 14. januar, og er búsitandi í Hvalvík. Sunleif hevur áður arbeitt hjá m.a. Posta og á umhvørvisplássinum hjá kommununi. Seinastu gott tvey árini hevur hann starvast hjá Havsbrún í Fuglafirði. Nú er Sunleif vendur heim aftur og kemur at hava ábyrgdina av umhvørvisplássinum, umframt at hava høvuðsábyrgd av rottutýningini í kommununi. 

Bæði umhvørvisplássið og rottutýningin hava stóran týdning fyri okkara borgarar, og tí eru vit sera fegin um at hava fingið Sunleif aftur í starv hjá kommununi. 

Vit ynskja Sunleif væl afturkomnum og blíðan byr í starvinum. 

Sunda kommuna