Tíðindi

Vit søkja eftir einum námsfrøðingi, at byrja í mai ella skjótast til ber, at arbeiða 33 tímar um vikuna. Arbeiðstíðirnar liggja vanliga millum kl. 07.00 – 17.00.

Um okkum

Á Dagstovninum á Flatinum arbeiða vit út frá okkara námsætlan og viðurkennandi námsfrøði.

Vit leggja stóran dent á:

• góðar og tryggar relatiónir
• ein fjølbroyttan og innihaldsríkan gerandisdag
• at skapa umstøður, har børnini uppliva gleði, hugna, avbjóðingar og menning
• felagsskap, trivnað, vinalag og spæl
• at børnini sjálvi eru virknir luttakarar í sínum gerandisdegi
• Vit ynskja at skapa eitt umhvørvi, har bæði børn og starvsfólk trívast og vaksa.

Er hetta nakað fyri teg?

Um tú brennir fyri at arbeiða við børnum og ynskir at verða partur av einum góðum arbeiðsplássi, so gleða vit okkum at frætta frá tær.

Um eingin námsfrøðingur søkir, verður hjálparfólk sett fyribils.

Setanarviðurskifti

Løn og treytir eru sambært sáttmála millum Føroya Pedagogfelag og Kommunala Arbeiðsgevarafelagið.

Sambært barnaváttanarlógini §4 skal barnaváttan fyriliggja, áðrenn setan kann fara fram.

Meira kunning

Vilt tú vita meira um starvið ella stovnin, ert tú vælkomin at seta teg í samband við:

Jógvan Philbrow, leiðara – tlf. 297247
Sunnrid Eyðunsdóttir Joensen, varaleiðara – tlf. 288405

Ella vitja okkara heimasíðu

Umsókn

Umsókn, avrit av prógvi og møgulig viðmæli skulu verða okkum í hendi í seinasta lagi hósdagin 19. mars á middegi og sendast til:
jogvanp@sunda.fo

Dagstovnurin á Flatinum
Skúlavegur 9
400 Oyrarbakka