Tíðindi

Snarboð eru stutt boð, sum Sunda kommuna kann leggja út – og tey koma beint í Vanga-appina hjá fólki. Tað merkir, at borgarin fær eitt push-boð á telefonina, tá okkurt er. Tað er umráðandi at borgarin loyvar push-boð frá Vanganum.

Tað er einfalt, trygt – og viðkomandi.

• Boðini kunnu sendast til ávís øki ella bólkar av fólki
• Boðini síggjast beinanvegin á telefonini
• Talan er um smá tíðindi, sum ofta hava týdning her og nú

Í roynd og veru merkir hetta, at Sunda kommuna kann røkka beint fram til teir borgarar, sum skulu hava boðini. Til dømis: er vatnið dálkað, fær borgarin boðini beinanvegin á telefonina – heldur enn at hoyra tað aftaná í útvarpinum, ella at leita á heimsíðuni.

Fyri at fáa hesi snarboðini á telefonina, uttan at skula rita inná Vangan, má borgarin loyva push-boð frá Vanganum.

Vinarliga

Sunda kommuna