Tíðindi

Við heimild í løgtingslóg nr. 13 frá 21. mai 1954 um býarskipanir og byggisamtyktir, sum seinast var broytt við lógtingslóg nr. 31 frá 17 mars 2022, verður við hesum boða frá, at Sunda kommuna hevur samtykt at gera niðanfyristandandi broytingar í byggisamtyktini fyri Sunda kommunu.

Broytingarnar fevna um:

-        Tekst í byggisamtyktini fyri Sunda kommunu 

-        Serstøk byggisamtykt fyri øki niðanfyri Rættarveg í Hósvík. 

-        Serstøk byggisamtykt fyri øki niðanfyri Oyrarveg á Oyrarbakka.

-        Serstøk byggisamtykt fyri øki niðanfyri Oyrarveg á Oyri.

-        Serstøk byggisamtykt fyri matr.nr. 137v við Norðskála.

Tekstur í byggisamtyktini fyri Sunda kommunu kann síggjast her.

Broytingarnar liggja frammi til alment eftirlit á kommunuskrivstovuni í vanligari avgreiðslutíð frá 27. februar 2024 til 02. apríl 2024 báðir dagar íroknaðir.

Møgulig mótmæli og ella broytingaruppskot, skulu latast skrivliga til kommunuskrivstovuna í seinasta lagi 09. apríl 2024.

Oyrarbakki tann 27. februar 2024

Sunda kommuna