Tíðindi

Námsfrøðingar til Dagstovnin á Flatinum

05.06.2024

Søkt verður eftir námsfrøðingum til barnagarðin og frítíðarskúlan

Arbeiðstíðin er 20-30 tímar um vikuna, har møguleiki er fyri fleiri tímum. Ynskiligt er, at tú byrjar 8. august, ella eftir nærri avtalu.

Á stovninum verður dentur lagdur á viðurkennandi námsfrøði. Arbeitt verður út frá okkara námsætlan og virðisgrundarlagið, har relatiónir, rørsla, útilív og spæligleði er í hásæti og vit brúka Betri Vinir sum eitt námsfrøðiligt amboð.

Vit kunnu bjóða: 

Eitt áhugavert starv, har tíð er sett av til fyrireiking, har tú fært møguleika at gera tína ávirkan galdandi, og har tú saman við dugnaligum starvsfólkum  ert við til at menna tað námsfrøðiliga umhvørvi á einum stovni, har karmarnir eru sera góðir inni, sum úti. 

Vit ynskja: 

At tú kanst skapa ein fjølbroyttan, mennandi og tryggan gerandisdag við virðing og umsorgan fyri tí einstaka barninum – at tú kanst taka ábyrgd og virka í góðum samstarvi við starvsfelagaðar og foreldur – at tú sært møguleikar fram um forðingar, – ert nærverandi, kreativ/ur og positiv/ur; og dámar væl at verða úti í náttúruni.

Er hetta nakað fyri teg, hevði tað glett okkum at frætt frá tær. 

Um ongin námsfrøðingur søkir, kann hjálparfólk verða sett.

Setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.  

Sambært barnaváttanarlógini §4, skal barnaváttan fyriliggja, áðrenn umsøkjari verður settur.

Meira fæst at vita um starvið við at tosa við Rosu Prestá leiðara á tlf. 297247 ella Sunnrid Eyðunsdóttir varaleiðara á tlf. 288405 ella vitja okkum á www.flatinum.fo

Umsókn við avriti av prógvi og møguligum viðmælum, skulu vera okkum í hendi í seinasta lagi hósdagin 20. juni 2024, og skulu sendast til:

Dagstovnurin á Flatinum
Skúlavegur 9
400 Oyrarbakka
ella við telduposti til flatinum@sunda.fo

Seinastu tíðindi

17
jun
Skúlin við Streymin vann ÁRSINS LESIÁTAK
13
jun
Rottangatøming í Haldórsvík, Tjørnuvík og á Langasandi
12
jun
Í samband við at arbeiðið við brúnna um Stórá er byrjað.
12
jun
Sosial­ráð­gevi til Barna­verndar­tænastuna í VEKS - Barnsburðarfar­loyvi
03
jun
Rakstrarfor­maður/­-kvinna til veitingareindina
30
mai
Kunngerð um broyting í býarplani­num fyri Sunda kommunu
28
mai
Roknskapu­rin 2023 einmælt samtyktur
10
mai
Ung í arbeiði 2024