Tíðindi

Listaverkið hjá Astri Luihn lýsir søgur úr Sjúrðarkvæðunum, ið Jógvan kalsmaður frá Norðskála var heimildarmaður til í 1812, og ævintýrið Trøllið á Fjallinum frá Gjógv. Støddfrøðin er vovin inn í listaverkið sum mynstur, frymlar og geometriskir figurar og formar; eitt nú Gylti snyrilin ella Fibonacci-snyrilin, Pythagoras, ferrótssnyrilin ella snyrilin hjá Theodorus og snyrilin hjá Harris um fraktalar. 

Eisini eru avmyndaðir figurar av íðkandi ítróttafólki, ið kann geva íblástur og stimbra áhugan hjá næmingunum fyri ítrótti og rørslu, ið er týdningarmikið bæði fyri likam og sál og stuðlar undir læring.

Bókin er 198 síður skrivað á føroyskum, donskum og enskum. Hon kostar kr. 250,- og fæst til keyps á kommunuskrivstovuni á Oyrarbakka og í handlum kring landið.