Tíðindi
Vælkomin á Sundalagsstevnu í Hósvík
Komandi vikuskiftið verður ársins Sundalagsstevna hildin í Hósvík.
Stevnan byrjar við hugnaligum tiltøkum í bygdini hóskvøldið 25. juni. Jákup Erlingsson Petersen, prestur, heldur setanarrøðuna.
Fríggjakvøldið verður stevnudystur millum EB-Streym og B36 við Margáir.
FM-kappróðurin verður leygardagin kl. 15.00 og sama dag er ymiskt annað fyri børn og vaksin, bæði á havnalagnum og heimi í bygdini.
Mín vón er, at Sundalagsstevnan fer at savna fólk úr allari kommununi, og úr øllum Føroyum. Latið okkum leggja gerandisdagin frá okkum eina løtu og njóta samanhaldið og hyggja at spennandi kappróðri, sjálvandi við landsins tilmælum um frástøðu í huga.
Eg vil takka fyrireikarunum, Hósvíkar Róðrarfelag og Bygdarfelagnum Varðanum fyri, at tey hava lagt stevnuna til rættis, soleiðis at stevnugestir fáa eitt hugnaligt vikuskifti.
Skráin fyri stevnuna sæst á www.sunda.fo.
Verið vælkomin til Hósvíkar á Sundalagsstevnu