Tíðindi

Nýggja býráðið í Sunda kommunu hevur skipað seg

13.11.2020

Á fundi í gjár varð breið semja gjørd millum allar býráðslimir um samstarv og framtíðarraðfestingar í Sunda kommunu komandi árini. Semja er um, at borgarstjórin komandi fýra árini verður Jógvan Kruse og varaborgarstjóri verður Eyðstein Zachariasen.

Nýggj Vinnu- og Umhvørvisnevnd verður sett á stovn undir leiðslu av Esther Dahl, meðan Tekniska nevnd verður undir leiðslu av Rógva Nybo og Trivnaðarnevndin undir leiðslu av Eyðsteini Zachariasen.

Semjan í gjár inniheldur yvirornað átrokandi tørvin á víðkan av kirkjugarði við Norðskála og í Hósvík. Spillvatnsskipanin í allari kommununi verður liðug og at tøk grundøki verða í øllum økinum, samstundis sum arbeitt verður við fjølbroyttum bústaðarmøguleikum í Sunda kommunu.

Semja er um, at samferðslan og ferðslutrygd verður raðfest og liðuggerð av verandi verkætlanum. Ferðavinnan skal skipast og arbeiðast skal við fjølbroyttum starvs- og vinnumøguleikum í Sunda kommunu og at Sunda kommuna skal gerast ein ruddiligari kommuna. Eldraøkið fær høga raðfesting saman við skúla- og dagstovnaøkinum. Semja er um at arbeiða fram móti vetrarfriðing, har ynski er um tað og útiøkið, bátahyljar og bátadráttar verða settir á skrá. Semja er somuleiðis um, at dentur verður lagdur á smærru ítróttarfeløgini og frítíðartilboðini til børn og ung og at samskiftið verður tikið upp um kommunalt samstarv um bussleið í økinum.

 

Vegna býráðið Jógvan Kruse

Seinastu tíðindi

26
nov
Býráðsfundur verður 30. november
26
nov
Námsfrøð­ingar til Dagstovnin við Kráir             
20
nov
Bussleiðin koyrir ikki vegna veður
20
nov
Áheitan
18
nov
Jóltrøini verða tendrað 2. og 3. desember
16
nov
Bokashi tiltak 23. november kl. 19.00.
16
nov
Nývalda býráðið skipar seg á almennum fundi í dag
13
nov
Nýggja býráðið í Sunda kommunu hevur skipað seg