Tíðindi

Eydnudeild í Høllini á Hálsi

02.03.2023

Nógvir fjepparar vóru komnir í høllina at vísa sín stuðul, og stemningurin var í hásæti

Síðsta vikuskiftið vóru steypafinalurnar spældar í Høllini á Hálsi. Sum vant, var Eydnudeild fyrst á skránni sunnudagin. Nógvir fjepparar vóru komnir í høllina at vísa sín stuðul, og stemningurin var í hásæti.

Eydnudeild hevði bjóðað øllum borgarstjórunum við úr teimum kommununum, har Eydnu stjørnurnar búgva. Borgarstjórin í Sunda Kommunu, Jógvan Kruse, møtti fúsur upp til dystirnar hjá teimum røsku Eydnuleikarum, og vóru tey sera fegin um tað.

10. juni verður LykkeCup í Boxen í Herning, og hava leikararnir í hesum sambandi savnað pening saman til høvið. Sunda kommuna hevur stuðlað leikarunum, og arbeiddu tey ein dag fyri kommununa, har tey ruddaðu út á brandstøðini. Tey vóru, sum altíð, so sera røsk at rudda og fingu nógv av skafti. Tey eru sera takksom fyri, at Sunda kommuna vísti Eydnustjørnunum álit, og at tey fingu hendan møguleikan.

Eydnudeild er ein nationalur felagsskapur fyri børn við menningartarni/menningarórógvi og familjum teirra. Hvønn týsdag kl. 17-18 venur Eydnudeild í ítróttarhøllini í Kollafirði. Um ein hevur hug at byrja at venja við Eydnudeild, kann man seta seg í samband við Eydnudeildina á Facebook síðuni “Eydnudeild Føroyar”.

Á myndini frá vinstru: Jógvan Kruse, Jens Jóannesarson Av Reyni, Karstin Aron Rasmussen, Clloyd Molina Clarence, Maja Johannesen

Seinastu tíðindi

26
mar
Heintan av ruski í Saksun og Gjógv
25
mar
Fysioterapeut til VEKS
25
mar
Framsýning hjá frítíðarundirvísing­ini í Skúlanum við Streymin skírisdag
24
mar
Stongt vegna páskafrí 25. mars - 2. apríl 2024
22
mar
Framlýsing av seyði
22
mar
Vinnuparkering
21
mar
Alment útboð at gera nýggja brúgv um Stórá
20
mar
Eldradagur verður leygar­dagin 20. apríl