Tíðindi

Fráboðan og áminning um hegnskyldu

01.05.2025

Í sambandi við, at tíðin nærkast, tá ið seyðurin skal av bønum, er fylgjandi skriv ávegis í postkassarnar hjá teimum, ið varða av bøgarðunum og hava hegnskyldu í kommununi.

Allir garðhaldarar hava, sambært Lov nr. 172 for Færøerne om HAUGERS STYRELSE OG DRIFT m.m., skyldu til at hava bøgarðar sínar í seyðahøgum standi í tíðini frá 14. mai til 25. oktober.

Heitt verður við hesum á teg sum garðhaldara, gjølla at kanna teir bøgarðar, ið tú hevur ábyrgd av og fremja møguligar neyðugar ábøtur. Bøgarðarnir skulu vera í góðum og seyðahøgum standi, soleiðis at seyður ikki sleppur inn á bøin frá 14. mai til 25. oktober.

Aftaná 14. mai verða bøgarðarnir sýnaðir av hegnsýnisnevndini.

Har ábøtur eru neyðugar, verða tær gjørdar fyri eigarans/garðhaldarans rokning uttan aðra fráboðan enn hesa.

Um fyrispurningar eru, ber til at venda sær til hegnsýnisnevndina.

Vegl.: Hegn skal vera min. 1 metur høgt. Lendisviðurskifti kunnu gera, at neyðugt er at spenna tráð (ikki píkatráð) omaná. Pelar eiga at vera settir við hóskandi millumrúmum, vanliga umleið 1,80 m, men lendisviðurskiftini kunnu eisini viðføra, at styttri eigur at vera millum pelarnar. Gamalt  hegn og annað ónýtiligt tilfar skal beinast burtur.

Vegna hegnsýnisnevndina í Sunda kommunu

Jóhan Poulsen
Glaðsgøta 20
420 Hósvík

Tlf. 243649

Seinastu tíðindi

20
mai
Ung í arbeiði 2025
19
mai
Námsfrøð­ingur til Dagstovnin á Flatinum
17
mai
Komandi borgarafundir
12
mai
Skrá fyri Ruddingar­dagin og Útivikuna 2025
05
mai
Dagstovnaleiðari til Sunda kommunu
02
mai
Kunngerð um broyting av byggisamtykt fyri Sunda kommunu
01
mai
Fráboðan og áminning um hegnskyldu
13
apr
Kunngerð um broyting av byggisamtykt fyri Sunda kommunu