Tíðindi

Útivika byrjar í dag 8. mai

08.05.2023

Í dag 8. mai byrjar útivikan í Sunda kommunu

Her er skrá fyri útivikuna: 

Mánadagin 8. mai

Kom og rógv við kajakk í Hósvík.  Vit møtast við neystið hjá kajakk.fo nær bátahylin í Hósvik. Melda til við at skriva til kajakk.fo á facebook messenger ella senda sms til tlf 510520. Vit gera 2 túrar á umleið 1 tíma. Túrur 1 byrjar kl 17:00 og túrur 2 byrjar kl 18:30. Tiltakið er ókeypis.

 

Týsdagin 9. mai

Gongutúrur niðan á Hvalvíksgjógv. Túrurin er lættur og barnavinarligur. Komin niðan, grilla vit 'skúmfidusar' og njóta vøkru náttúruna. Túrurin byrjar við missiónshúsið í Hvalvík kl. 18.00. Til ber at halda fram niðan á Miðalfelli við ferðaleiðara, um nakar hevur áhuga í tí. Tiltakið er ókeypis, og ongin tilmelding neyðug.

 

Mikudagin 10. mai

Ókeypis vælverukvøld í Tjørnuvík. Sauna, saunagos, hitapottur, sjódypp og kalt kar.

Melda til hesar tíðir:

Kl. 18: Sauna, hitapott, sjódypp og kalt kar.

Kl. 19: Saunagos við Mariu, íroknað 3x3 oljur og sjódypp, umframt hitapott og kalt kar.

Kl. 20: Sauna, hitapott, sjódypp og kalt kar.

Møguleiki er at keypa sær okkurt leskiligt í Surf Smáttuni, har skiftiumstøður og útibrúsa eisini eru. Handklæði kann leigast fyri 15 kr. Tilmelding á www.faroeislandssurfguide.com/tiltak

 

Hósdagin 11. mai

Eydnan á Oyrarbakka skipar fyri Kondibingo í Náttúrulundini við Streymin kl 19.00. Plátur kunnu keypast viđ Eydnuna á Oyrarbakka.

 

Fríggjadagin 12. mai

Súkkla norður ígjøgnum sundalagið við Rynkeby. Byrjað verður við Eydnuna á Oyrarbakka kl 17.00. Hesin túrurin er fyri børn og vaksin í øllum aldri. Um tú ikki ynskir at súkkla, ert tú vælkomin at renna ella ganga. Tiltakið er ókeypis og ongin tilmelding neyðug. Á handilin á Norðskála bjóðar okkurt søtt uttanfyri handilin kl 18.00. Sunda kommuna bjóðar sunkist.    

Seinastu tíðindi

26
mar
Heintan av ruski í Saksun og Gjógv
25
mar
Fysioterapeut til VEKS
25
mar
Framsýning hjá frítíðarundirvísing­ini í Skúlanum við Streymin skírisdag
24
mar
Stongt vegna páskafrí 25. mars - 2. apríl 2024
22
mar
Framlýsing av seyði
22
mar
Vinnuparkering
21
mar
Alment útboð at gera nýggja brúgv um Stórá
20
mar
Eldradagur verður leygar­dagin 20. apríl