Tíðindi

Býráðið samtykti í vár, at gera heildarætlanir fyri bátahyljarnar á Oyrarbakka og í Hósvík.

Endamálið er at betra um umstøður til frítíðar- og bátavirksemi umfamt til vinnu, trivnað, felagslív og tiltøk í øllum økinum við bátahyljarnar og ynskið er at fáa eitt innbjóðandi maritimt umhvørvi.

BRIM arkitektar fingu hesa uppgávu, og eru heiladarætlanir gjørdar fyri bátahyljarnar á Oyrarbakka og í Hósvík, heildarætlanir sum vóru lagdar fram á Oyrarbakka og í Hósvík fyri kortum.

Eftirfylgjarndi hevur býráðið samtykt, at gera eina tilsvarandi heildarætlan fyri bátahylin í Hvalvík. Hendan er ávegis og væntast klár seinni í heyst.