Tíðindi
Skráseting av hitaloysnum í Sunda kommunu
Sunda kommuna er nú farin í gongd við at skráseta allar oljutangar í kommununi, sambært kunngerð nr. 124 frá september 2018 um at fyribyrgja oljudálking.
Víst verður til § 10, sum ljóðar soleiðis:
Kommunan skal skráseta allar oljutangar sbrt. stk. 2
Stk. 2. Upplýsingar um oljutangar, sum borgari skal lata kommununi í tann mun, tær eru tøkar:
1) Navn og bústað hjá framleiðara.
2) Tangasnið og tangarúmd.
3) Framleiðslunummar og framleiðsluár.
4) Sniðgóðkenningarnummar.
5) Um tangin hevur ovurfyllingarávaring.
6) Um rørskipanin er einstreingjað.
7) Staðseting av tanganum, t.d. í mun til bygning.
8) Byggialdur á húsinum.
Fyri at loysa hesa uppgávu heitir kommunan á øll, bæði tey, ið eiga ella varða av oljutanga og eisini tey, sum ongan oljutanga hava í Sunda kommunu, um at skráseta omanfyri nevndu upplýsingar á heimasíðu, sum er gjørd til endamálið.
Skrásetingin av oljutanga kann gerast við at fara inn á leinkið her:
Tey ið hava aðra hitaloysn, kunnu skráseta við at fara inn á leinkið her.
Um trupulleikar eru við skrásetingini, eru tit vælkomin at skriva teldupost til sunda@sunda.fo.
Sí annars kunngerð um fyribyrging av oljudálking inni á www.logir.fo