Tíðindi

Í sambandi við, at U10 og U12 genturnar hjá EB vunnu steypafinalur í hondbólti við Tjarnir farna leygardag, varð skipað fyri fagnaðarløtu týskvøldið. Stóru úrslitini og gullið varð feirað við pitsa og sodavatn aftaná venjing í ítróttahøllini við Streymin.

Liðini fingu eina heilsan frá borgarstjórunum báðum, ið handaðu U10 og U12 eitt gávukort í part. Gávukortið gevur teimum møguleikan at fara út at bovla og eta saman.

Í Sunda kommunu vilja vit enn einaferð ynskja EB og gentunum hjartaliga tillukku við báðum steypasigrunum. Vit gleða okkum at fylgja tykkum í komandi tíðum.