Tíðindi

Eyðstein Zachariasen, Dagny Hellisdal, Ragnhild Mørkøre (lærumeistarin hjá Dagny) og Erland Berg Danielsen

Dagny fingið læruprógv

05.03.2025

Í farnu viku heiðraðu vit á kommunuskrivstovuni Dagny Hellisdal, ið er fyrsti skrivstovunæmingur, sum er útbúgvin í Sunda kommunu.

Dagny hevur verið sera nærløgd og arbeiðssom í umsitingini hesi árini, og í gerandisdegnum hevur hon tættast samskifti við allar okkara borgarar, sum venda sær til kommunuskrivstovuna. Tí er hetta fyri okkum eitt sera týdningarmikið starvsøkið. Vit ynskja Dagny hjartaliga tillukku við útbúgvingini og gleðast um, at hon heldur fram í umsitingini hjá Sunda kommunu.