Tíðindi

Roknskapurin fyri 2019

03.06.2020

Á býráðsfundinum mánakvøldið 25. mai, sum varð hildin við Gjógv, samtykti býráðið ársroknskapin fyri 2019.

Ársroknskapurin vísur eitt rakstraravlop á á 31,4 mió. kr. Í fíggjarætlanini fyri 2019 var mett við einum rakstraravlopið á 14,4 mió. kr. Eftir íløgurnar var úrslitið (RLÚ) -12,4 mió. kr. í mun til -42,6 sambært fíggjarætlanini.

Samlaðu inntøkurnar í 2019 vóru 97,4 mió. kr., ið er 13,1 mió. kr. og 15,5 % hægri enn fíggjarætlanin fyri 2019. Samlaðu inntøkurnar í 2019 vístu ein vøkstur á 7,5 mió. kr. og 8,34 % í mun til undanfarna roknskaparár.

Sunda kommuna gjørdi íløgur fyri tilsamans 43,8 mió. kr. í 2019. Størsti parturin av hesum var til Skúlan og ítróttarhøllina við Streymin og til ítróttarøkið við Margáir.

Á fíggjarætlanin fyri 2019 var lagt upp fyri íløgum á tilsamans 56,9 mió. kr. Munurin stavar í stóran mun frá at íløgur viðvíkjandi Skúlanum við Streymin ikki vóru framdar í 2019, men vóru fluttar til 2020.

Fíggjarstøðan 2019 javnvigar við 31.869 kr. Av hesum er 19.376 kr. tøkur peningur, 13.493 kr. er goymslur og áogn. Lániskuldin var 38,5 mió. kr. við árslok. Nettoskuldin var 22,9 mió. kr., ið svarar til 28 % av skuldarloftinum.

Roknskapurin kann lesast her.

Seinastu tíðindi

18
mar
Ongin gjøgnumkoyring
18
mar
Fráboðan um fund í Náttúrufrið­ingar­nevndini
27
feb
Kunngerð um broyting av byggisamtykt fyri Sunda kommunu
14
mar
IRF ber nýggjar posar út í viku 11 og 12
08
mar
1000 SÍÐUR !
07
mar
Borgarafundur í Tjørnuvík
05
mar
Arbeitt verður uppá lyktapelar­nar í Streymnesi
04
mar
Menningarskeið í palliatión