Tíðindi

Høvuðsorsøkin er, at atkomuviðurskiftini í Hvalvíkar skúla vóru ikki nøktandi. Skúlin hevur sera nógvar trappur og tí varð avgjørt at flyta valstaðið til Ítróttahúsið við Margáir í Streymnesi. Gingið verður inn omanfyri og atkomuligt er við koyristóli.

Valstaðið í ítróttahúsinum í við Margáir í Streymnesi er fyri borgarar í bygdunum Hvalvík, Streymnes og Saksun.

Atkvøðugreiðskan byrjar kl. 10.00 fyrrapart og endar kl. 20.00, ella so leingi veljarar møta uttan steðg.

í Sunda kommunu eru seks valstøð:

• Veljarar búsitandi við Gjógv velja í skúlanum við Gjógv.
• Veljarar búsitandi við Norðskála, á Oyrarbakka og á Oyri velja í Eydnuni á Oyrarbakka.
• Veljarar búsitandi í Tjørnuvík velja í bygdahúsinum í Tjørnuvík
• Veljarar búsitandi í Haldórsvík og á Langasandi velja í skúlanum í Haldórsvík. (loftið)
• Veljarar búsitandi í Hvalvík, Streymnesi og í Saksun velja í Ítróttahúsinum við Margáir í Streymnesi.
• Veljarar búsitandi í Hósvík velja í skúlanum í Hósvík.