Tíðindi

Samlaðu inntøkurnar í 2022 vóru 102,6 mió. kr. Hetta var 9,4 mió. kr. ella 10,1% hægri enn mett var í fíggjarætlanini fyri 2022. Samanborið við undanfarna roknskaparár var talan um ein vøkstur á 4,9 mió. kr. ella 5,3%. Inntøkuvøksturin stavar frá einum vøkstri á øllum inntøkupostum – bæði í mun til seinasta ársroknskap og fíggjarætlan.

Rakstrarútreiðslurnar í 2022 vóru 79,9 mió. kr. Samanborið við fíggjarætlanina fyri 2022 var hetta 3,6 mió. kr. ella 4,3 % lægri. Um sammett verður við ársroknskapin fyri 2021 vaks raksturin við 8,6 mió. kr. ella 12,1%.

Í 2022 gjørdi Sunda kommuna íløgur fyri 16,6 mió kr. Løgukarmurin á fíggjarætlanini fyri 2022 var 25,4 mió. kr. Størsti parturin av íløgunum vóru til at fyrireika útstykkingar. Harafturat vóru íløgur í millum annað kirkjugarðar, hølið við Margáir og kommunalar bygningar.

Ársroknskapurin vísur eitt rakstaravlop á 22,9 mió. kr. Á fíggjarætlanini fyri 2022 varð roknað við einum rakstraravlopið á 9,7 mió. kr. Eftir íløgur var úrslitið eitt avlop 6,3 mió. kr. (RLÚ). Hetta var 21,9 mió. kr. hægri enn mett á fíggjarætlanini fyri 2022 har roknað varð við einum hallið á -15,6 mió. kr.

Langfreistað skuld var 24,6 mió. kr. við árslok. Nettoskuldin var 29,8 mió. kr., sum svarar til 34 % av skuldarloftinum.

Roknskapurin kann lesast her