Tíðindi

Í Sunda kommunu krevja vit vanliga dagstovnagjald inn fyri ellivu mánaðir um árið. Juli mánaði er einki dagstovnagjald. Desembur mánaði er vanliga ein fíggjarliga tungur mánaði við nógvum jólagávum, mat innkeypi og øðrum.

Framskrivingar vísa, at kommunan fer at fáa væl meira inn í skatti enn mett varð fyri 2025. Kommunan kann ikki broyta skattin og barnafrádráttin mitt í einum ári, men býráðið kann velja at strika dagstovnagjaldið fyri desembur, og sostatt verður hetta ein lætti til barnafamiljurnar í jólamánaðinum, ið er fyri framman.

Við vón um eini góð og familjuvinarlig jól.

Vegna býráðið

Eyðstein Zachariasen
Borgarstjóri