Tíðindi
Ævintýraferðin á vitjan á Flatinum
Í dag hava børnini á Flatinum havt vitjan av Ævintýraferðini.
Tað hevur verið fastur táttur hjá barnagarðinum, at bjóða Ævintýraferðini á vitjan. Fyrsta vitjanin var í Barnagarðinum á Oyri í 2004. Síðani tá hava teir báðir, Dánjal og Búi, vitja á hvørjum ári.
Í dag vóru Dánjal og Búi og framførdu kærleikssøguna hjá Shakespeare um Romeo og Juliu. Og sum altíð dugdu teir báðir sera væl at fanga børnini og leiða tey inn í teirra ævintýraverð og lærdu børnini at tosa "poetist". Børnini vóru sera hugtikin av leikinum og sótu pinnastill og fylgdu við. Dánjal og Búi sungu eisini teirra kendu sangir, so sum "Grækaris Grashøv", og tá sungu øll børnini hart við.
Ein sera góð og stuttlig vitjan.
Vit takka Ævintýraferðini fyri vitjanini og alt tað teir gera fyri børnini (og tey vaksnu).
