Tíðindi

Um starvið:

Vit søkja eftir fólkið at vara av umhvørvisplássinum sum eru í Sunda kommunu,  taka sær av umhvørvisplássinum, reinhaldi av kommununi og skaðadjóratýning, runt um í øllum 11 bygdunum í Sunda kommunu. Tú verður partur av veitingareindini og kemur eisini at luttaka í dagliga arbeiðinum á eindini.

Umsjónarfólkið vísir til arbeiðsformannin. Starvið er fjølbroytt og avbjóðandi og gevur høvi til persónliga og fakliga menning. Tann, ið settur verður kemur at arbeiða sjálvstøðugt og í minni toymum.

Um teg:

Vit vænta, at tú hevur royndir við handaligum arbeiðið. Somuleiðis vænta vit, at tú ert røkin, arbeiðs-som/amur og hevur áhugað og sær týdningin av slíkum arbeiðið fyri trivnaðin í kommununi. Tú dugir at arbeiða sjálvstøðugt, ert fyrikomandi og gevur eitt jaligt íkast til Veitingareindina. Kommunan hevur fleiri bygningar og nógv ymisk starvsfólk og starvsbólkar runt í kommunalu bygningunum. Tískil hevur tað stóran týdning, at viðkomandi ið settur verður, er tænastusinnaður og dugir væl við fólki.

Setanarviðurskifti:

Talan er um eitt  fulltíðarstarv, arbeiðstíðin er ímillum kl. 08.00 og 16.00 gerandisdagar, Tó er umhvørvisplássi opið til kl 18 mikudagar og leygardag frá 13-17. ið verður lønt sambært sáttmála millum avvarandi fakfelag og Kommunala Arbeiðsgevarafelagið.

Meira fæst at vita um starvið við at venda sær til Súsonnu Á. Jensen, tekniska leiðara í Sunda kommunu á 297220 ella susanna@sunda.fo.   

Umsókn:

Umsókn við neyðugum skjølum skulu sendast við telduposti til sunda@sunda.fo, og skulu vera kommununi í hendi í seinasta lagi fríggjadag 7. novembur 2025

Allar umsóknir verða viðgjørdar í trúnaði.

Merkið umsóknina “umsjónarfólk til umhvørvisplássið”.

Kommunan tilskilar sær rætt til at lýsa starvið av nýggjum, um ikki nóg nógvir ella skikkaðir umsøkjarar eru til starvið