Tíðindi
Námsfrøðingar til frítíðarskúlan og dagstovnin við Stórheygg
Í Hósvík er ein stovnur við námsfrøðiligum, kreativum og kveikjandi upplivingum. Trivnaður, “grønur” kreativitetur og menning er okkara fakligheit og styrki. Á stovninum er góð hølisviðurskifti og uttanum øki er fantastiskt.
Vit hava tørv á:
- Einum námsfrøðingi til frítíðarskúlan, at byrja skjótast tilber
- Einum námsfrøðingi til frítíðarskúlan, at byrja við skúlabyrjan august 2026.
- Einum námsfrøðingi til barnagarðsstovu, at byrja í august 2026.
- Arbeiðstíðirnar er 30-35 tímar um vikuna á barnagarðsstovu ella frítíðarskúla. Hevur tú ynski um ávíst tímatal, lat okkum frætta, so finna vit fram til eina felags loysn.
Vit ynskja enn fleiri starvsfólk ið:
- eru ágrýtin og hava hug og evnið til at skapa ein fjølbroyttan, mennandi og tryggan gerandisdag fyri einstaka barnið og hópin
- megna at arbeiða sjálvstøðugt, taka ábyrgd og avgerðir
hava góð samstarvs- og samskiftisevni og megna at virka fyri góðum samstarvi við foreldur, børn, starvsfelagar og leiðslu - eru nærverandi og fyrikomandi
- eru fleksibul í mun til kjarnu uppgávuna
Á stovninum er spæl, látur, kreativitetur, umsorgan og nærvera okkara dagligdagur. Vit brúka náttúruna, endurnýtslu, bygdina, sandin og hagan, sum okkara felags triðja. Harumframt brúka vit fimleikahøllina og svimjihylin á Oyrabakka hvørja viku.
Námsfrøðilig fyrireikingartíð er løgd inn í okkara arbeiðsskema, umframt at vit arbeiða í smáum barnabólkum og vit tillaga okkara arbeiði eftir tørvi.
Á stovninum starvast ein blandaður hópur av fittum og dugnaligum starvsfólkum. Vit eru opin fyri nýggjum hugsanum og trívast best, tá gerandisdagurin er væl litaður við alskyns fjølbroyttum litum og áhugaverdum avbjóðingum.
Setanarviðurskifti
Størvini verður sett sambært sáttmála millum Føroya Pedagogfelag og Kommunala Arbeiðsgevarafelagið.
Starvsbyrjan 1. mai og august 2026 ella eftir nærri avtalu.
Námsfrøðingar, ið vera lidnir í summar eru eisini hjartaliga vælkomnir at søkja.
Um námsfrøðingar ikki vera settir, vera hjálparfólk sett í tíðaravmarka starv.
Sambart §2 í barnaváttanarlógini hevur Sunda kommuna skyldu at fáa barnaváttan til vega, áðrenn umsøkjari verður settur í starv.
Umsókn
Umsóknin skal, saman við prógvi, CV og viðmælum, verða Dagstovninum við Stórheygg í hendi í seinasta lagi 26. apríl 2026.
Dagstovnurin við Stórheygg
Áarvegur 3
420 Hósvík
jona@sunda.fo
Hevur tú spurningar til starvið, kanst tú venda tær til Jónu Guttesen, stovnsleiðara, á telefon 297255 ella vitja heimasíðu okkara storheygg.fo