Tíðindi

Sunda kommuna umfatar fleiri av náttúruvakrastu perlunum í landinum, og eru hesar millum best umtóktu ferðamálunum í Føroyum. Okkara avbjóðing er at gagnnýta hetta tilfeingi og menna eina burðadygga ferðavinnu, til gagns fyri bæði vinnulívi og borgarum, í økinum.

Vit hava boðið fýra fólkum, sum á hvør sín hátt hava royndir frá ferðavinnuni at geva teirra íkast til hetta evni.

Tey eru:

• Eyðdis Hartmann Niclasen, fyrrverandi borgarstjóri í Vága kommunu
• Sóley Heradóttir Hammer, stjóri í Hugskotinum
• Maud Wang Hansen, ferðavinnuíverkseti í Nólsoy
• Sigurd Davidsen, eigari av Kajakk.fo í Hósvík

Tiltakið verður á Torginum í Skúlanum við Streymin.

Øll eru hjartaliga vælkomin.