Tíðindi

Sunda kommuna søkir eftir ágrýtnum og ábyrgdarfullum umsjónarfólki til ognareindina, at byrja í føstum starvi skjótast til ber.

Vit søkja eftir einum fólki til ognareindina, ið kemur at verða partur av eini eind, sum tekur sær av viðlíkahaldinum av kommunalu bygningunum í Sunda kommuna. Eisini er tað nýgerð, røkt og fyrifallandi arbeiði runt um í øllum 11 bygdunum í Sunda kommunu.

Umsjónarfólk vísa til arbeiðsformannin á ognareindini. Starvið er fjølbroytt og gevur høvi til persónliga og fakliga menning. Tann, ið settur verður kemur at arbeiða sjálvstøðugt og í minni toymum.

Um teg:

Vit vænta, at tú hevur royndir við handaligum arbeiði, og/ella handverkara útbúgving. Somuleiðis vænta vit, at tú ert røkin, arbeiðs-som/amur og hevur áhugað og sær týdningin av slíkum arbeiði fyri trivnaðin í kommununi. Tú dugir at arbeiða sjálvstøðugt, ert fyrikomandi og gevur eitt jaligt íkast til ognardeildina. Kommunan hevur fleiri bygningar og nógv ymisk starvsfólk og starvsbólkar húsast í kommunalu bygningunum. Tískil hevur tað stóran týdning, at viðkomandi ið settur verður, er tænastusinnaður og dugir væl við fólki.

Setanarviðurskifti:

Talan er um eitt  fulltíðarstarv, arbeiðstíðin er ímillum kl. 08.00 og 16.00 gerandisdagar, ið verður lønt sambært sáttmála millum avvarandi fakfelag og Kommunala Arbeiðsgevarafelagið.

Meira fæst at vita um starvið við at venda sær til Súsonnu Á. Jensen, tekniska leiðara í Sunda kommunu á 297220 ella susanna@sunda.fo.  

Umsókn:

Umsókn við neyðugum skjølum skulu sendast við telduposti til sunda@sunda.fo, og skulu vera kommununi í hendi í seinasta lagi fríggjadag 07.novembur 2025.

Allar umsóknir verða viðgjørdar í trúnaði.

Merkið umsóknina “umsjónarfólk til ognareindina”.

Kommunan tilskilar sær rætt til at lýsa starvið av nýggjum, um ikki nóg nógvir ella skikkaðir umsøkjarar eru til starvið.